Ofnbakaður fiskur í karrý

2006-02-14T11:23:00.000-08:00

170 gr roð- og beinlaus fiskur
100 gr paprika
100 gr sveppir
100 gr zuccini
100 gr gulrætur
125 ml 10% sýrður rjómi
15 gr majones
salt, pipar og karrý

Skerið grænmetið niður og setjið í eldfast mót. Skerið fiskinn í litla bita og setjið í miðjuna á mótinu (með grænmetið allt í kring). Saltið og piprið. Búið til karrýsósuna með því að blanda saman sýrða rjómanum, majonesinu og slatta af karrý. Hellið sósunni yfir fiskinn. Skellið inn í forhitaðan ofn á 200°C í um 35 mínútur.

Allar mælieiningar miðast við óeldaðan mat, þ.e.a.s. hráan fisk og grænmeti. Þetta ætti að gefa um 140-150 gr af elduðum fisk og um 300 gr eldað grænmeti. Það má í sjálfu sér nota hvaða grænmeti sem maður vill, um að gera að hafa það sem fjölbreyttast.

DDV merkingar: 1 kross í fiskur, 2 krossar í mjólkuvörur, 1 kross í grænmeti og 3 krossar í fitu.

Grunninn af þessari uppskrift fékk ég inná DDV-spjallinu (höf.: Bumbuskvísa) en ég hef breytt henni smá.

Ofnbakaður lax með jurtasósu

2006-02-13T12:40:00.000-08:00

170 gr roð- og beinlaus lax
70 gr brokkolí
70 gr blómkál
70 gr sveppir
125 ml 10% sýrður rjómi
40 gr fínt saxaður blaðlaukur
100 gr rifnar gulrætur
salt, pipar, basilíka og dill

Búið til sósu úr gulrótunum, sýrða rjómanum og blaðlauknum. Kryddið sósuna smá með basilíku og dilli. Setjið sveppina, laxinn, brokkolíið og blómkálið í litlum bitum í eldfast mót. Hellið sósunni yfir og bakið í ofni á 200°C í cirka 20 mínútur.

Allar mælieiningar miðast við óeldaðan mat.

DDV-merkingar: 1 kross í fisk, 1 kross í grænmeti og 2 krossar í mjólk.

Fiskréttir

Ofnbakaður fiskur í karrý

Ofnbakaður lax með jurtasósu